Hiō-kiong-bu̍t
Hiō-kiong-bu̍t (後宮物, Ji̍t-gí: ハーレムもの) sī chhòng-chok ê chi̍t khoán lūi-hêng (Eng-gí: genre), chí siat-tēng oá Lâm-sèng-hiòng (男性向), tiāⁿ-tiāⁿ chí ū chi̍t ūi lâm-chú-kak a̍h pek-ha̍p khóng (百合コン)--ê lú-chú-kak hō͘ kui ūi sìm-chí kui-cha̍p ūi bí-lú a̍h bí-siàu-lú ûi--ê chok-phín.[1] In-ūi lâm-phoè-kak lóng bô lō͘-lâi ka cheⁿ a̍h-sī bô kan-sia̍p (m̄-koh iā ū lâm-phoè-kak hō͘ chiok chē cha-bó͘ sio ûi-óa--ê lē-goā), chhin-chhiūⁿ tī hō͘-kiong (後宮), chiah hō chit miâ. Ūi chiok-ì bóe-kheh tùi bêng-sio̍k-sèng (萌屬性) bô-kâng--ê hèng-thâu, hiō-kiong-bu̍t ê lí-kak-sek sî-siông pak-pak iūⁿ, kā chiâⁿ chē bêng ê lūi-hêng lóng lām--ji̍p-khì chok-phín. Tû-chú-goā, chit khoán chhòng-chok siông-siông ū ji̍t-e̍k (入浴), oāⁿ-sāⁿ, kûn-ki pèng--khí-lâi a̍h kah lū-sèng--ê ài-māi (曖昧) hêng-ûi téng sa-bí-suh ê tiûⁿ-bīn. Kiù-kèng chit chióng chok-phín ê chong-chí (宗旨) sī, m̄-chhap lâm-chú-kak goā àu, hō͘-kiong éng-kiú kap i sio-toè. Jî-chhiáⁿ iû-hì a̍h kò͘-sū hoân-sè í ta̍k lú-kak kiōng-iú lâm-chú-kak tiong-tiûⁿ. Nā lú-chú-kak te̍k kui ê cha-po͘ ài, tio̍h kiò ge̍k(逆)-hiō-kiong (Ji̍t-gí: 逆ハーレム). Chhut-hiān hō͘-kiong--ê goân-in, thong-siông sī thâu ê lú-kak a̍h chú-kak ê sèng-tē.
Tān-gāi "Hō͘-kiong-hêng" giâm-giâm lâi kóng, m̄-sī chèng-sek--ê chok-phín lūi-pia̍t, pō͘-hun chok-phín kám sī ho͘-kiong-hêng, iâu iā-káⁿ ū cheng-lūn.
Chú-iāu chok-phín[siu-kái | kái goân-sí-bé]
Hiō-kiong-hêng[siu-kái | kái goân-sí-bé]
Siáu-soat[siu-kái | kái goân-sí-bé]
Tong-oē kap bàng-gah[siu-kái | kái goân-sí-bé]
Ge̍k-hiō-kiong[siu-kái | kái goân-sí-bé]
Bân-lâm-gú (bô chèng-sek) | Ji̍t-gí |
---|---|
Kim-sek ê Khîm-hiân (琴弦) | 金色のコルダ |
Iâu-óan Sî-khong hē-lia̍t | 遙かなる時空の中でシリーズ |
Thau-thau-á Ài-tio̍h Lí | 花ざかりの君たちへ |
Thian-kok Siàu-lú | 花咲ける青少年 |
Po̍k-eng-kúi (薄櫻鬼) ~Sin-sóan-cho͘ Kî-tâm (奇譚)~ | 薄桜鬼 〜新選組奇譚〜 |
Eng-lân Ko-hāu Lâm-kong-koan-pō͘ (櫻蘭高校男公關部) | 桜蘭高校ホスト部 |
Chhái-hûn-kok Bu̍t-gú (彩雲國物語) | 彩雲国物語 |
Mô͘ chi Hē-lia̍t (魔之系列) | ㋮シリーズ |
Ôan-bí Sió-chiá Chìn-hoà-lūn | ヤマトナデシコ七変化♥ |
Bōng-hòan Iû-hì (夢幻遊戲) | ふしぎ遊戯 |
Starry☆Sky | Starry☆Sky |
Jû Hoa Sū Gio̍k (如花似玉) | 花になれっ! |
Koa chi Ông-chú Tiān-hā (歌之王子殿下) | うたの☆プリンスさまっ♪ |
Lôan-ài Chiam-pok-su (戀愛占卜師) | Dr.リンにきいてみて! |
Hui-sek ê Phòe-á | 緋色の欠片 |
Éng-ú te̍k-sek[siu-kái | kái goân-sí-bé]
- Bêng sī chit khoán chok-phín siōng chú-iàu--ê bōe-tiám (賣點), tī lú-kak-sek chia̍p-chia̍p khòaⁿ-tio̍h, lâi hō͘ koan-chiòng hiáng-èng kah kiōng-bêng (共鳴).
- Lâm-chú-kak tōa-pòaⁿ bô-chám-bô-choe̍h (無斬無截), a̍h sī hoán-èng chin tūn (鈍), boē chú-tōng chai-iáⁿ lú-kak-sek tùi i ê chêng, kah chē-chē lú-sèng kak-sek ê koan-hē chiah ē ài-mài.
- Kak-sek chia̍p-chia̍p ū gī-bē (義妹) kah tiok-má-chī-iú (竹馬之友) téng.
- Tiāⁿ-tiāⁿ ū lú-chú-kak tòa lâm-chú-kak in tau, iā-káⁿ sī sió-mōe a̍h cha-bó͘-kán.
- Lú-kak-sek hō͘ lâm-chú-kak khòaⁿ-tio̍h chhiah-theh--ê kio̍k-chêng tī chok-phín lāi siông chhut-hiān.
- Lâm-chú-kak ê ha̍k-hāu sêng-chek tōa-pō͘-hūn phó͘-phó͘ sīm-chì khah bái, m̄-koh ū lē-gōa.
Phoe-phêng[siu-kái | kái goân-sí-bé]
It-ti̍t ián kū-thò-thâu (舊套頭) kah tèng-hêng kak-sek (定形角色, stock character) ēng kòe-thâu sī hiō-kiong-bu̍t tit lâng hiâm--ê chi̍t ê goân-in. Iáu-ū phoe-phêng kóng che húi-pòng (誹謗) lú-kak-sek, pí-lūn choân-bô pit-iàu--ê chho͘-pō kheng-hiòng (傾向), éng-éng hō͘ lâng siūⁿ che ū sèng-chha-pia̍t (性差別) ê iūⁿ. [3]
Chham-khó chu-liāu[siu-kái | kái goân-sí-bé]
- ↑ "Ask John: What Distinguishes Harem Anime?". John Oppliger. 02-05 khòaⁿ--ê. Unknown parameter
|accessyear=
ignored (help) - ↑ 久米依子 (Kume Yoriko) 「少女の出会いとその陥穽――性制度の攪乱に向けて」『ライトノベル研究序説』 青弓社 (Chheng-kiong-siā), 2009 nî, 163 ia̍h. ISBN 9784787291882.
- ↑ http://www.comedyvideoscentral.com/Harem_anime.html Archived 2012-04-25 at the Wayback Machine.
Goā-kháu liân-kiat[siu-kái | kái goân-sí-bé]
- Browse Harem Anime (Lio̍k-lám (略覽) hiō-kiong-bu̍t tōng-oē) (Eng-gí)